વઘારેલો રોટલો બનાવવા સૌપ્રથમ બાજરાના રોટલા ના કટકા કરી એક બાજુ મૂકો હવે ગેસ પર એક કડાઈમાં તેલ ગરમ કરવા મૂકો તેલ ગરમ થાય એટલે તેમાં રાઈ, જીરુ, સફેદ તલ અને હિંગ નાખી તતડાવો ત્યાર બાદ એમાં મીઠા લીમડા ના, લીલા મરચા સુધારેલા નાખી મિક્સ કરી લ્યો
હવે એમાં આદુ ની પેસ્ટ નાખી મિક્સ કરી અડધી મિનિટ શેકી લ્યો ત્યાર બાદ એમ ઝીણી સુધારેલી ડુંગળી નાખી મિક્સ કરી લ્યો ને ડુંગળી નરમ થાય ત્યાં સુધી ચડાવી લ્યો,
ત્યારબાદ એમાં લીલી ડુંગળી નો સફેદ ભાગ સુધારેલ નાખી મિક્સ કરી બે મિનિટ ચડાવી લ્યો ત્યારબાદ એમાં લાલ મરચા લસણ ની પેસ્ટ નાખી બરોબર મિક્સ કરી બે મિનિટ ચડાવી લ્યો
પેસ્ટ બરોબર ચડી જાય એટલે એમાં ઝીણા સમારેલા ટામેટા અને મીઠું નાખી મિક્સ કરી લ્યો અને ઢાંકીને બે ચાર મિનિટ ચડાવી લ્યો ત્યાર બાદ એમાં લીલી ડુંગળી ના પાંદડા, હળદર, લાલ મરચાનો પાઉડર, ધાણા જીરુંપાઉડર અને ગરમ મસાલો નાખી મિક્સ કરી એક મિનિટ શેકી લ્યો,
ત્યારબાદ ગેસ સાવ ધીમો કરી એમાં દહી નાખી મિક્સ કરી લ્યો ને દહી ફૂલ તાપે હલાવતા રહી ને ગરમ થઇ જાય ત્યાં સુંધી ચડાવી લ્યો
દહી બરોબર ચડી જાય એટલે એમાં રોટલા ના કટકા નાખી ને બરોબર મિક્સ કરી લ્યો ત્યાર બાદ ઢાંકીને ચાર પાંચ મિનિટ ધીમા તાપે ચડાવી લ્યો,
પાંચ મિનિટ પછી બરોબર મિક્સ કરી લીધા બાદ એમાં ઝીણું સમારેલું લીલું લસણ અને લીલા ધાણા સુધારેલા નાખી બરોબર મિક્સ કરી લ્યો ને ઢાંકી ને બે મિનિટ ચડાવો લ્યો ત્યાર બાદ ગેસ બંધ કરી ગરમ ગરમ સર્વ કરો વઘારેલો રોટલો