મૂળા ગાજર અને લીલા મરચા નું અથાણું બનાવવા સૌપ્રથમ ગાજર, મૂળા અને મરચા ને ધોઇ ને કોરા કરી લ્યો ત્યાર બાદ ગાજર અને મૂળા ને છોલી ને સાફ કરી આંગળી જેટલા લાંબા લાંબા સુધારી લ્યો અને મરચા ના બે ભાગ માં કટકા કરી એક વાસણમાં નાખો ત્યાર બાદ એમાં હળદર અને સ્વાદ મુજબ મીઠું નાખી બરોબર મિક્સ કરી એક બે કલાક ઢાંકી એક બાજુ મૂકો
બે કલાક પછી ચારણી માં કાઢી એનું પાણી નિતારી લ્યો ત્યાર બાદ કપડા પ્ર નાખી બે ત્રણ કલાક તડકામાં અથવા તો પાંચ છ કલાક પંખા નીચે સૂકવી લ્યો ( જો અથાણું વધારે સમય સાચવી રાખવું હોયતો બે ચાર દિવસ વધારે સૂકવી લેવા )
હવે ગેસ પર એક કડાઈમાં રાઈ, સરસો અને મરી ને ધીમા તાપે બે મિનિટ શેકો ત્યાર બાદ એમાં વરિયાળી, મેથી દાણા નાખી બીજી બે મિનિટ શેકી લ્યો ત્યાર બાદ ગેસ બંધ કરી એમાં અજમો નાંખી મિક્સ કરી બીજી થાળી માં કાઢી ઠંડા કરવા મૂકો
મસાલા ઠંડા થાય એટલે મિક્સર માં કે વેલણ વડે અધ કચરા પીસી લ્યો ત્યાર બાદ એમાં કલોંજી, કાશ્મીરી લાલ મરચા નો પાઉડર,આમચૂર પાઉડર નાખી મિક્સ કરી લ્યો અને તૈયાર મસાલા માંથી ચાર પાંચ ચમચી મસાલો ગાજર, મૂળા ને મરચા માં નાખી બરોબર મિક્સ કરી લ્યો
હવે ગેસ પર એક કડાઈમાં તેલ ગરમ કરવા મૂકો તેલ ગરમ થઇ જાય એટલે ગેસ બંધ કરી તેલ નવશેકુંગરમ થવા દયો તેલ નવ શેકું રહે ત્યારે એમાં હિંગ અને લસણ સુધારેલ નાખી મિક્સ કરી લ્યોને તેલ ને અથાણાં માં નાખી બરોબર મિક્સ કરી લ્યો ત્યાર બાદ અથાણું એર ટાઈટ ડબ્બામાં ભરી લ્યો ને મજા લ્યો ગાજર, મૂળા અને લીલા મરચા નું અથાણું