પંજાબી કઢી પકોડા બનાવવાની રીત | punjabi kadhi pakora recipe in gujarati | punjabi kadhi pakoda banavani rit | પંજાબી પકોડા કઢી બનાવવાની રીત | punjabi pakoda kadhi banavani rit
જય શ્રી કૃષ્ણ આજ આપણે પંજાબી કઢી પકોડા બનાવવાની રીત - punjabi kadhi pakora recipe in gujarati શીખીશું. કઢી દરેક રાજ્ય માંઅલગ અલગ પ્રકારની અને અલગ અલગ સ્વાદ ની બને છે ગુજરાતી કઢી ખાટી મીઠી હોય છે તો પંજાબીકઢી માં તીખાશ સાથે પકોડા હોય છે તો મારવાડી કઢી વધારે પડતી તીખી ને એના પકોડા અલગજ પ્રકારના બનતા હોય છે પણ આજ આપણે તો પંજાબી સ્ટાઈલ ના પકોડા વાળી કઢી બનાવશું તોચાલો જાણીએ punjabi kadhi pakoda banavani rit - પંજાબી પકોડા કઢી બનાવવાની રીત - punjabi pakoda kadhi banavani rit શીખીએ
પંજાબી પકોડા કઢી બનાવવા આપણે સૌ પ્રથમ કઢી નું મિશ્રણ તૈયાર કરીશું ત્યાર બાદ કાઢી ને વઘારીને ઉકળવા મૂકી એમાં નાખવાના પકોડા માટે નું મિશ્રણ તૈયાર કરી પકોડા તરી લેશું અને કઢી બરોબર ઉકળી ને ચડી જાય એટલે ગેસ બંધ કરી એમાં પકોડા નાખી મિક્સ કરી બીજો વઘાર કરી ગરમગરમ સર્વ કરીશું
કઢી બનાવવાની રીત
એક વાસણમાં દહી લ્યો એમાં ચાળી ને બેસન નાખો સાથે ધાણા જીરું પાઉડર, લાલ મરચાનો પાઉડર, હળદર અને સ્વાદ મુજબ મીઠું નાખી બ્લેન્ડર થી કે જેણી વડે બરોબર જેરી લેવી ને ગાંઠા ન રહે એનું ધ્યાન રાખવું ત્યાર બાદ એમાં પાણી નાખી મિક્સ કરી લ્યો ને એક બાજુમૂકો
હવે ગેસ પર એક કડાઈમાં તેલ / ઘી ગરમ કરવા મૂકો ઘી / તેલ ગરમ થાય એટલે એમાં જીરું,મેથી દાણા, હિંગ નાખી તતડાવી લ્યો ત્યાર બાદ એમાંસૂકા લાલ મરચા ,ઝીણી સુધારેલી ડુંગળી,આદુ લસણની પેસ્ટ, અને લીલા ધાણા સુધારેલા નાખી ને શેકો ડુંગળી શેકાઈને થોડી નરમ થાય ત્યાર બાદ એમાં કઢી નું જે મિશ્રણ તૈયાર કરેલ એ નાખી ગેસ ફૂલ કરી કઢીમાં ઉભરો આવે ત્યાં સુંધી હલાવતા રહી ચડાવો
કઢી બરોબર ઉકળવા લાગે ત્યાં સુંધી હલાવતા રહેવું જેથી દહી ફાટશે નહિ કઢી ઉકળવા લાગે એટલે ગેસ મિડીયમ કરી કઢી ને વીસ થી ત્રીસ મિનિટ ઉકળવા દયો
પકોડા બનાવવાની રીત
એક વાસણમાં લાંબી ને પાતળી સુધારેલ ડુંગળી લ્યો એમાં છીણેલા બટાકા નાખો સાથે ઝીણા સમારેલા લીલાં મરચા, મસળી ને અજમો,ધાણા જીરું પાઉડર, લાલ મરચાનો પાઉડર, સ્વાદ મુજબ મીઠું અને બેસન નાખી બરોબર મિક્સ કરી લ્યો ને ઢાંકી ને દસ મિનિટ એક બાજુ મૂકો
દસ મિનિટ પછી ગેસ પર એક કડાઈમાં તેલ ગરમ કરવા મૂકો તેલ ગરમ થાય ત્યાં સુધી ડુંગળી ના મિશ્રણને ફરી બરોબર મિક્સ કરી લ્યો ને એમાં બેકિંગ સોડા નાખી મિક્સ કરી લ્યો ત્યાર બાદ હાથસાફ કરી પાણી વારા કે તેલ વારા કરી પકોડા ના મિશ્રણ માંથી નાના નાના પકોડા બનાવી મિડીયમ ગરમ તેલ માં નાખતા જાઓ
પકોડાને તેલ માં ગોલ્ડન થાય ત્યાં સુધી તરી લ્યો ત્યાર બાદ કાઢી લ્યો આમ બધા પકોડા તરી ને તૈયાર કરી લ્યો
પંજાબી પકોડા કઢી બનાવવાની રીત
કઢી બરોબર ઉકળી જાય એટલે એમાં છેલ્લે લીલા ધાણા સુધારેલા નાખી મિક્સ કરી ગેસ બંધ કરી એક બાજુ મૂકો ત્યાર બાદ એમાં તરી રાખેલ પકોડા નાખી મિક્સ કરી લ્યો
ગેસ પર એક વઘરીયા માં ઘી ગરમ કરવા મૂકી ઘી ગરમ થાય એટલે તેમાં અધ કચરા આખા ધાણા નાખી મિક્સ કરો ત્યાર બાદ એમાં જીરું અને હિંગ નાખી તતડાવો,
ત્યારબાદ ગેસ બંધ કરી નાખો ને એમાં એમાં સૂકા લાલ મરચા અને લાલ મરચાનો પાઉડર નાખી મિક્સ કરી લ્યો ને તૈયાર વઘાર ને પકોડા કઢી પ્ર નાખો ને સાથે લીલા ધાણા સુધારેલા નાખી ગરમ ગરમ સર્વ કરો પંજાબી પકોડા કઢી
punjabi kadhi pakora recipe in gujarati notes
કઢી ઉકાળતી વખતે ઘટ્ટ લાગે તો જરૂર મુજબ ગરમ પાણી નાખવું
પકોડાને સોફ્ટ ને જાળીદાર બનાવવા ચપટી બે ચપટી સોડા નાખવા
પકોડાને મિડીયમ તાપે તરવા જેથી અંદર સુંધી બરોબર ચડી જાય
શું આપને અમે જણાવેલ રેસીપી પસંદ આવી?રેસીપી પસંદ આવી હોય તો ઉપર 5 ⭐⭐⭐⭐⭐ રેટિંગ આપી નીચે આપનો ફીડબેક/મુજવણ જરૂરથી કોમેન્ટ કરજો