જય શ્રી કૃષ્ણ આજ આપણે મેથીના થેપલા બનાવવાની રીત - methi na thepla recipe શીખીશું. દરેક ગુજરાતી નો મનપસંદ નાસ્તો એટલે થેપલા આ થેપલા સવાર સાંજ ના નાસ્તામાં,બાળકો ના ટિફિન માં કે પછી પ્રવાસ માં દરેક ગુજરાતી પાસે જોવા મળી જરહેશે ને આ થેપલા એક વખત તૈયાર કરી ચાર પાંચ દિવસ સુંધી ખાઈ શકાય છે તો gujarati methi thepla recipe - methi thepla gujarati recipe - thepla in gujarati શીખીએ
મેથી થેપલા બનાવવા માટે સૌ પ્રથમ મેથી ને સાફ કરી બે ત્રણ પાણીથી ધોઈ ને નિતારી કોરી કરી લ્યો ત્યાર બાદ ચાકુ થી ઝીણી ઝીણી સુધારી લ્યો અને આદુ લસણ અને મરચા ની પેસ્ટ બનાવી લ્યો
હવે એક વાસણમાં ચાળી ને બેસન અને ઘઉં નો લોટ લ્યો એમાં સ્વાદ મુજબ મીઠું, લાલ મરચાનો પાઉડર, ધાણા જીરું પાઉડર, હળદર, આદુ લસણઅને મરચા ની પેસ્ટ, હાથ થી મસળી કસુરી મેથી અને અજમો નાખી મિક્સ કરો સાથે બે ત્રણ ચમચીતેલ, દહી અને મેથી નાખી હાથ થી મસળી લ્યો
હવે એમાં થોડુ થોડુ પાણી નાખી નરમ લોટ બાંધી લ્યો ને બાંધેલા લોટ માં બે ચમચી તેલ નાખી મસળી લ્યો ત્યાર બાદ ઢાંકી ને પંદર વીસ મિનિટ એક બાજુ મૂકો વીસ મિનિટ પછી જે સાઇઝ ના થેપલા બનાવવા હોય એ સાઇઝ નો લુવો લઈ કોરા લોટ સાથે સાવ પાતળા વણી લ્યો આમ કોરો લોટ લઈ બધા થેપલા પાતળા વણી લ્યો
હવે ગેસ પર એક તવી ગરમ કરવા મૂકો તવી ગરમ થાય એટલે વણી રાખેલ થેપલા નાખો ને એક બાજુ થોડી ચડે એટલે ઉથલાવી લ્યો અને બને બાજુ તેલ લગાવી થોડા થોડા ચડાવી લ્યો ( ઘણા વધારે ચડવા નહિ) આમ બધા થેપલા ને ફૂલ તાપે તેલ લગાવી લગાવી શેકી લ્યો ને ગરમ કે ઠંડા સર્વ કરો મેથી થેપલા
thepla recipe notes
થેપલાને કોરા લોટ સાથે સાવ પાતળા વણવા અને ફૂલ તાપે શેકવા
અહી તમે સફેદ તલ નાખી શકો છો અને ચતપટો સ્વાદ આપવા ચાર્ટ મસાલો પણ નાખી શકો છો
લસણ ના ખાતા હો તો ના નાખવું
શું આપને અમે જણાવેલ રેસીપી પસંદ આવી?રેસીપી પસંદ આવી હોય તો ઉપર 5 ⭐⭐⭐⭐⭐ રેટિંગ આપી નીચે આપનો ફીડબેક/મુજવણ જરૂરથી કોમેન્ટ કરજો