રીંગણ નું ભરથું બનાવવા સૌપ્રથમ રીંગણ ને ધોઇ સાફ કરી લ્યો અને એમાં ચાકુ થી કાપા પાડી ચેક કરી લેવા કે કોઈ જીવાત નથી ને ત્યાર બાદ રીંગણ અને ટમેટા પર તેલ લગાવી લ્યો અને ગેસ પર રીંગણ, ટમેટા અને લસણને મિડીયમ તાપે શેકી લ્યો ને થોડી થોડી વારે ફેરવી ફેરવી ને શેકી લ્યો જેથી બધી બાજુ બરોબર શેકાઈ જાય
રીંગણ ટમેટા અને લસણ શેકાઈ જાય એટલે ગેસ પરથી ઉતારી લ્યો ને થોડા ઠંડા થાય એટલે એના ફોતરા કાઢી લ્યો ને ત્રણે ને અલગ અલગ સુધારી લ્યો અને સાથે ડુંગળી, લીલા મરચા ને પણ સુધારી લ્યો
હવે ગેસ પર એક કડાઈમાં ચાર પાંચ ચમચી તેલ ગરમ કરવા મૂકો તેલ ગરમ થાય એટલે એમાં જીરું, વરિયાળી, આખા ધાણા અને સૂકા લાલ મરચા નાખી શેકો ત્યાર બાદ એમાં ઝીણું સમારેલું લસણ અને લીલા મરચા ને આદુ પેસ્ટ નાખી ને એકાદ મિનિટ શેકી લ્યો આદુ શેકાઈ જાય એટલે ઝીણી સુધારેલી ડુંગળી નાખી મિક્સ કરો ને ડુંગળી ને બરોબર શેકી લ્યો
ડુંગળી શેકાઈ જાય એટલે એમાં ઝીણા સમારેલા ટામેટા નાખી મિક્સ કરો ને સ્વાદ મુજબ મીઠું, લાલ મરચાનો પાઉડર, ધાણા જીરું પાઉડર, હળદર નાખી મિક્સ કરી તેલ અલગ થાય ત્યાં સુંધી ચડાવી લ્યો મસાલા માંથી તેલ અલગ થાય એટલે શેકી ને ઝીણું સમારેલું રીંગણ અને બાફેલ વટાણા નાખી બરોબર મિક્સ કરી ઢાંકી બે ત્રણ મિનિટ શેકી લ્યો
રીંગણ સાથે મસાલા બરોબર શેકાઈ જાય એટલે એમાં ગરમ મસાલો અને લીલા ધાણા સુધારેલા નાખી મિક્સ કરો ને સાથે એક ચમચી ઘી કે માખણ નાખી મિક્સ કરી ત્રણ ચાર મિનિટ ચડાવી લ્યો તો તૈયાર છે રીંગણ નું ભરથું