જય શ્રી કૃષ્ણ આજ આપણે આવેલ રીક્વેસ્ટ how to make vagharelo rotlo ? તો આજ આપણે કાઠીયાવાડી વઘારેલો રોટલો બનાવવાની રીત - kathiyawadi vagharelo rotlo - vagharelo rotlo kathiyawadi style શીખીશું આ બાજરો સ્વાસ્થ્ય માટે ખૂબ લાભકારી છે ને એમાં ખૂબ જ કેલ્સિયમ રહેલું હોયછે ને શરીર ને ગરમાટો અને એનર્જી આપે છે તમે રોટલા ને શાક , કઢી,અથાણાં ગોળ કે પછી ડુંગળી સાથે ખાઈ શકો છો પણ આજ આપણે રોટલા ને વઘારીને બનાવશું જે સ્વાદ માં ખૂબ ટેસ્ટી લાગે છે ને તમે એને બચી ગયેલા રોટલા માંથી કે પછીતાજો રોટલો તૈયાર કરી ખાઈ શકો છો તો ચાલો vagharelo rotlo recipe kathiyawadi શીખીએ
વઘારેલ રોટલો બનાવવા સૌપ્રથમ રોટલા નાના નાના ટુકડા કરી લ્યો અને એક બાજુ મૂકો હવે ગેસ પર એક કડાઈમાં તેલ ગરમ કરવા મૂકો તેલ ગરમ થાય એટલે તેમાં સફેદ તલ,રાઈ, જીરુ અને હિંગ નાખી તતડાવો
ત્યાર બાદ એમાં મીઠા લીમડા ના પાન,લસણ મરચા ની પેસ્ટ ,આદુ પેસ્ટ અને લીલા મરચા સુધારેલા નાખી મિક્સ કરી એક મિનિટ શેકી લ્યો
હવે એમાં ઝીણી સુધારેલી ડુંગળી નાખી મિક્સ કરો ને ડુંગળી ને બરોબર શેકી લ્યો ડુંગળી બરોબર શેકાઈ જાય એટલે એમાં લાલ મરચાનો પાઉડર, ધાણા જીરું પાઉડર અને હળદર નાખી મિક્સ કરી અડધી મિનિટ શેકી લ્યો.
ત્યારબાદ એમાં ઝીણા સમારેલા ટામેટા અને સ્વાદ મુજબ મીઠું નાખી મિક્સ કરી લ્યો ને ટમેટા ને બરોબર ચડાવી લ્યો
ટમેટા બરોબર ચડી જાય એટલે એમાં રોટલા ના કટકા નાખી મિક્સ કરી લ્યો ને બે ત્રણ મિનિટ શેકી લ્યો રોટલો મસાલા સાથે બરોબર શેકાઈ જાય એટલે એમાં છાસ નાખી બરોબર મિક્સ કરી લ્યો ને ઢાંકી ને ચાર પાંચ મિનિટ સુધી ચડવા દેવો
પાંચ મિનિટ પછી ઢાંકણ ખોલી રોટલો બરોબર મિક્સ કરી લ્યો ને છેલ્લે લીલા ધાણા સુધારેલા નાખી મિક્સ કરો ને ગેસ બંધ કરી ગરમ ગરમ મજા લ્યો વઘારેલ રોટલો
kathiyawadi vagharelo rotlo notes
અહી તમે બાજરી ના રોટલા, જવ ના રોટલા કે પછી મકાઈ ના રોટલા લઈ શકો છો
જો તમે ડુંગળી લસણ ના ખાતા હો તો ના નાખવા
લસણની ચટણી કરવા લસણ ની દસ પંદર કણી લ્યો એમાં એક ચમચી લાલ મરચાનો પાઉડર અને ચપટી મીઠું નાખી ખંડણી ધાસ્તા વડે ફૂટી લ્યો તૈયાર છે લસણ ની ચટણી
શું આપને અમે જણાવેલ રેસીપી પસંદ આવી?રેસીપી પસંદ આવી હોય તો ઉપર 5 ⭐⭐⭐⭐⭐ રેટિંગ આપી નીચે આપનો ફીડબેક/મુજવણ જરૂરથી કોમેન્ટ કરજો