રીંગણ નું ભરતું બનાવવા સૌપ્રથમ રીંગણા ને ધોઇ ને સાફ કરી લ્યોત્યાર બાદ એમાં ચાકુ થી લાંબા લાંબા કાપા પાડી ને ચેક કરી લ્યો કે કોઈ કીડો નથી ને
ત્યારબાદ એના પર તેલ લગાવી લ્યો ને ચીરા માં લસણ ની કણી અને લીલા મરચા સુધારેલા ભરવી ને ગેસ પર શેકવા માટે મૂકો અને બીજા ગેસ પર તેલ લગાવી ટમેટા શેકવા મૂકો
થોડી થોડી વારે ફેરવતા રહો જેથી બધી બાજુ થી બરોબર શેકાઈ જાય આમ ફેરવી ફેરવી બધી બાજુ બરોબર શેકી લીધા બાદ એક થાળી માં મૂકો અને રીંગણા ને ટમેટા ના ફોતરા કાઢી ને ઝીણા ઝીણા સુધારી લ્યો સાથે રીંગણા માં મુકેલ લીલા મરચા ને લસણ ને પણ સુધારી લ્યો અથવા મેસર વડે બધું મેસ કરી લ્યો
હવે ગેસ પર એક કડાઈમાં તેલ ગરમ કરવા મૂકો તેલ ગરમ થાય એટલે તેમાં જીરું અને હિંગ નાખી તતડાવો ત્યાર બાદ તેમણે ઝીણી સુધારી ડુંગળી નાખી ડુંગળી ને શેકી ગોલ્ડન કરી લ્યો ડુંગળી ગોલ્ડન થાય એટલે એમાં હળદર, લાલ મરચાનો પાઉડર, ધાણા જીરું પાઉડર અને ગરમ મસાલો નાખી મસાલા ને શેકી લ્યો
મસાલા બરોબર શેકાઈ જાય એટલે એમાં મેસકરેલ રીંગણા, ટમેટા, લસણ, લીલા મરચા અને સ્વાદ મુજબ મીઠું નાખી મિક્સ કરી લ્યો ત્યાર બાદ ઢાંકી ને પાંચ સાત મિનિટ ચડવા દયો
સાત મિનિટ પછી ચમચા થી ઓળા ને મિક્સકરી એમાં લીલા ધાણા સુધારેલા નાખી મિક્સ કરો ને ગેસ બંધ કરી ગરમ ગરમ મજા લ્યો રીંગણાનો ઓળો