પાલક ની ખીચડી - પાલક દાળ ખીચડી બનાવવાસૌપ્રથમ એક વાસણમાં ચોખા અને તુવેર દાળ સાફ કરી લ્યો ત્યાર બાદ એમાં પાણી નાખી ઘસીને ધોઇ લ્યો ત્યાર બાદ એક બે વખત પાણી નાખી બરોબર ધોઇ લ્યો ત્યાર બાદ બે ગ્લાસ પાણી નાખી અડધો કલાક પલાળી લ્યો
દાળ ચોખા પલળી જાય એટલે ગેસ પર એક કુકર ગરમ કરવા મૂકો એમાં ત્રણ કપ પાણી અને પલાળી રાખેલ દાળ ચોખા નું પનો નિતારી એ દાળ ચોખા નાખો સાથે સ્વાદ મુજબ મીઠું,પા ચમચી હળદર અને એક ચમચી ઘી નાખી મિક્સ કરી કુકર બંધ કરી મિડીયમ તાપે ત્રણ સીટી વગાડી લ્યો ત્યાર બાદ ગેસ બંધ કરી કુકર માંથી હવા નીકળવા દયો
પાલકને સાફ કરી ધોઈ સાફ કરી પાંચ મિનિટ ગરમ પાણી માં બાફી ને પાણી માંથી કાઢી નિતારી લ્યોને પીસી ને પેસ્ટ બનાવી લ્યો અને બીજા શાક સુધારી તૈયાર કરી લ્યો
હવે ગેસ પર એક કડાઈમાં ઘી ગરમ કરવા મૂકો ઘી ગરમ થાય એટલે એમાં જીરું અને હિંગ નાખો સાથે આદુ લસણ ની પેસ્ટ અને લીલા મરચા સુધારેલ નાખી મિક્સ કરી એક મિનિટ શેકી લ્યો ત્યાર બાદએમ ઝીણી સુધારેલી ડુંગળી નાખી મિક્સ કરી બે મિનિટ શેકી લ્યો
ત્યારબાદ એમાં ઝીણા સમારેલા ગાજર, ફણસી, ટામેટા, વટાણા નાખી મિક્સકરી લ્યો ને બે ચાર મિનિટ શેકી લ્યો ત્યાર બાદ એમાં સ્વાદ મુજબ મીઠું, હળદર, ધાણા જીરું પાઉડર , કસુરીમેથી નાખી મિક્સ કરી એક મિનિટ શેકી લ્યો ત્યાર બાદ એમાં પાલક પ્યુરી નાખી બરોબર મિક્સ કરી ઢાંકી પાંચ મિનિટ ચડાવી લ્યો
પાલક બરોબર ચડી જાય એટલે એમાં બાફી રાખેલ દાળ ચોખા નાખી મિક્સ કરી પાંચ મિનિટ ઢાંકી ને ચડાવી લ્યો ને પાલક સાથે ખીચડી બરોબર મિક્સ થઈ ચડી જાય એટલે છેલ્લે એમાં લીલા ધાણા સુધારેલા નાખી મિક્સ કરી લ્યો ને ગેસ બંધ કરી નાખો