લાપસી બનાવવા સૌપ્રથમ મિડીયમ જાડા ઘઉંના ફાડિયા સાફ કરી લ્યો ત્યાર બાદ ગેસ પર જાડા તળિયાવાળી કડાઈમાં ઘઉંના ફાડા ને ધીમા તાપે દસ બાર મિનિટ હલાવી હલાવી ને શેકી લ્યો ઘઉં ના ફાડા શેકી લીધા બાદ એક વાસણમાં કાઢી લ્યો ને એમાં ત્રણ ચાર ચમચી ઘી નાખી બરોબર મિક્સ કરીલ્યો ને ઢાંકી ને એકાદ કલાક એક બાજુ મૂકો
હવે એક વાસણમાં છીણેલો ગોળ અને અડધો કપ પાણી માં નાખી એને પણ એકાદ કલાક ઢાંકી ને ઓગળવા મૂકો એક કલાક પછી જાડા તળિયાવાળી કડાઈમાં એક કપ પાણી અને અડધો કપ દૂધનાખી ગરમ કરવા મૂકો એમાં તજ નો ટુકડો, લવિંગ, એલચી થોડી દબાવી તોડી ને નાખો,( 1 ચમચી કાચી વરિયાળી નાખવાથી સ્વાદ ખૂબ સારો આવશે) અને જાયફળ પાઉડર નાખી ને હલાવી લ્યો ને ઉકાળી લ્યો
દૂધ ઊકળવા લાગે એટલે સૂકી ખારેક નાખી મિક્સ કરી લ્યો ત્યાર બાદ એમાં શેકી ને ઘી લગાવેલ ઘઉંના ફાડા નાખી બરોબર મિક્સ કરી લ્યો ને ધીમા તાપે ઢાંકી ને દસ મિનિટ ચડાવી લ્યો વચ્ચેવચ્ચે હલાવી લેવું જેથી તળિયા માં ચોંટે નહિ એ ધ્યાન રાખવું
દસ મિનિટ પછી લાપસી ને બરોબર મિક્સ કરી લ્યો અને એમાં હવે ગોળ વાળુ પાણી ગાળી ને નાખો ને બરોબર મિક્સ કરી હલાવી લ્યો અને ધીમા તાપે ઢાંકી ને બીજા બે ચાર મિનિટ ચડવા દયો ત્યાર બાદ એમાં કેસર ના તાંતણા નાખી મિક્સ કરી ઢાંકી ને પાંચ સાત મિનિટ ચડવા દયો ફરી ઢાંકણ ખોલી ચમચા થી બરોબર મિક્સ કરી લ્યો
હવે એમાં કાજુ ના કટકા, બદામ ના કટકા, પિસ્તા ના કટકા, સૂકા નારિયળ ના કટકા અને કાળી કીસમીસ નાખી બરોબર મિક્સ કરો લ્યો અને ઢાંકી ને બીજી પાંચ મિનિટ ચડાવીલ્યો ત્યાર બાદ ચેક કરો જો ઘઉંના ફાડા ને દબાવવા થી દબાઈ જાય ત્યાં સુધી ચડાવી લ્યો
હવે ગેસ પર એક તવી ગરમ કરવા મૂકો એના પર લાપસી વાળી કડાઈ મૂકી ઢાંકી ને ધીમા તાપે દસ મિનિટ ચડવા દયો ત્યાર બાદ ગેસ બંધ કરી સર્વ કરવા સુંધી કડાઈ પર રહેવા દયો અને એક બે ચમચી ઘી નાખી મિક્સ કરી લ્યો ને સર્વ કરી લ્યો લાપસી