ગેસ પર એક કડાઈમાં બે ચાર ચમચી ઘી ગરમ કરો ઘી ગરમ થાય એટલે ગેસ ધીમો કરી એમાં કાજુ, બદામ અને પીસ્તા નાખો ને બે મિનિટ અથવા થોડો રંગ બદલે ત્યાં સુંધી શેકી લ્યો ત્યાર બાદ બીજા વાસણમાં કાઢી લ્યો અને ઠંડા થાય એટલે એના કટકા કરી લ્યો
હવે એજ ગરમ ઘી માં ધીમા તાપે નારિયળ નું છીણ નાખી એને પણ ગોલ્ડન શેકી લ્યો ત્યાર બાદ એને પણ બીજા વાસણમાં કાઢી લ્યો હવે એજ કડાઈ માં ધીમા તાપે સાફ કરેલ સોજી નાખી ગોલ્ડન થાય ત્યાં સુધી હલાવતા રહી શેકી લ્યો અને સોજી બરોબર શેકાઈ જાય એટલે એને પણ બીજા વાસણમાં કાઢી લ્યો
હવે કડાઈ ને ધોઇ સાફ કરી કોરી કરી લ્યો ત્યાર બાદ ગેસ પર મૂકી એમાં મોરો માવો નાખી ધીમા તાપે ગોલ્ડન થાય ત્યાં સુધી શેકો માવો બરોબર શેકાઈ જાય ને થોડો રંગ બદલી જાય એટલે એમાં કીસમીસ, એલચી પાઉડર નાખી બરોબર મિક્સ કરી લ્યો અને ગેસ બંધ કરી નાખો
હવે એમાં ડ્રાય ફ્રુટ અને શેકેલ નારિયળ નાખી બરોબર મિક્સ કરી લ્યો ત્યાર બાદ એમાં પીસેલી ખાંડ નાખી બરોબર મિક્સ કરી લ્યો ખાંડ બરોબર માવા સાથે મિક્સ થઈ જાય ત્યાર બાદ એમાં શેકેલ સોજી નાખી મિક્સ કરી લ્યો તો તૈયાર છે ગુજીયા નું સ્ટફિંગ