સૌ પ્રથમ એક મોટા વાસણમાં ચણાદાળ, અડદ દાળ, મગ ની ફોતરા વાળી દાળ, તુવેર દાળ અને મસૂર દાળ લ્યો અને ત્રણ ચાર પાણી થી ઘસી ને બરોબર ધોઇ લ્યો ત્યારબાદ ત્રણ ચાર ગ્લાસ પાણી નાખી ને એકાદ બે કલાક પલળવા મૂકો. બેકલાક પછી દાળ નું પાણી નિતારી લ્યો.
હવે નીતરેલી દાળ ને કુકર માં નાખો સાથે સ્વાદ મુજબ મીઠું, હળદર, ઘી અને જરૂર મુજબ પાણી નાખી ને કુકર બંધ કરી ફૂલ તાપે એક સીટી વગાડી લ્યો ત્યારબાદ ગેસ ધીમો કરી બીજી ને બે ત્રણ સીટી વગાડી ને ગેસ બંધ કરી લ્યો ત્યાર બાદ કુકર માંથીહવા નીકળવા દયો ને કુકર માંથી હવા નીકળી જાય એટલે ખોલી ને બરોબર મિક્સ કરી લ્યો.
હવે ગેસ પર એક કડાઈમાં ઘી ગરમ કરવા મૂકી ઘી ગરમ થાય એટલે એમાં જીરું, હિંગ, સૂકા લાલ મરચા અને આદુ લસણ ની પેસ્ટ નાખી ને બરોબર મિક્સ કરી એક થી બે મિનિટ શેકી લ્યો,
ત્યાર બાદ એમાં ઝીણી સુધારેલી ડુંગળીનાખી મિક્સ કરી ડુંગળી ગોલ્ડન શેકાઈ જાય એટલે એમાં ઝીણા સમારેલા ટામેટા નાખી સાથે સ્વાદમુજબ મીઠું નાખી ને મિક્સ કરી ટમેટા ચડી જાય ને તેલ અલગ થાય ત્યાં સુંધી શેકી લ્યો.
ટમેટા શેકી લીધા બાદ એમાં હળદર, લાલ મરચાનો પાઉડર, ધાણા જીરું પાઉડર નાખી મિક્સ કરી એકાદ મિનિટ શેકી લ્યો ત્યાર બાદ એમાં બાફેલીદાળ નાખી મિક્સ કરી લ્યો,
ત્યાર બાદ જરૂર મુજબ ગરમ પાણી નાખીમિક્સ કરી પાંચ સાત મિનિટ ચડાવી લ્યો ત્યાર બાદ ગેસ બંધ કરી લીલા ધાણા સુધારેલા નાખીમિક્સ કરી લ્યો. તો તૈયાર છે દાળ.