મસાલા પૂરી બનાવવાની રીત | masala puri recipe gujarati | masala puri banavani rit
જય શ્રી કૃષ્ણ આજ આપણે મસાલા પૂરી બનાવવાની રીત - masala puri banavani rit શીખીશું. જો મસાલા પુરી નરમ, ક્રિસ્પી ને સ્વાદિષ્ટ હોય તો તો દિવસ બની જાય, અને આ મસાલા પુરી તમે સવાર નો નાસ્તામાં કે પ્રવાસમાં કે ટિફિનમાં બનાવી નેજા લઈ શકો છો.અને આ મસાલા પુરી સાથે ચા, દહી, અથાણું કે ચટણી ગેમ એની સાથે ખાઈ શકો છો. તો ચાલો masala puri recipe in gujarati શીખીએ.
મસાલા પૂરી | masala puri recipe | masala puri banavani rit
મસાલા પૂરી બનાવવા સૌપ્રથમ એક વાટકા માં એક કપ ગરમ પાણી લ્યો પાણી માં હિંગ અને મેથી દાણા નાખી મિક્સ કરી એક બાજુ મૂકો. હવે એક કથરોટ માં ઘઉંનો લોટ અને બેસન ને ચાળી ને લ્યો એમાં સાફ કરેલી સોજીનાખો સાથે લાલ મરચાનો પાઉડર, હળદર, ધાણાજીરું પાઉડર, ચીલી ફ્લેક્સ, જીરું,સૂંઠ પાઉડર, અજમો મસળી ને નાખો, આમચૂર પાઉડર, ગરમ મસાલો, મીઠું સ્વાદ મુજબ અને ઘી નાખી હાથ થી બરોબર મિક્સ કરી લ્યો.
હવે એમાં હિંગ મેથી વાળુ પાણી નાખતા જઈ મિડીયમ કઠણ લોટ બાંધી લ્યો ને બાંધેલા લોટ ને બરોબર મસળી લ્યો ત્યાર બાદ એના પર તેલ લગાવી ને ભીના કપડાં થી અથવા મોટા વાસણ થી બરોબર ઢાંકીને અડધો કલાક મૂકી દયો. અડધા કલાક પછી ફરીથી લોટ ને બરોબર મસળી લ્યો અને એના એક સરખા લુવા બનાવી લ્યો.
લુવા ઉપર તેલ લગાવી ઢાંકી દયો જેથી સુકાઈ ના જાય. હવે પાટલા અને વેલણ પર તેલ લગાવી ને તૈયાર કરી લ્યો ને એક લુવો લઈ એની પુરીવણી લ્યો વણેલી પુરી ને પ્લેટ માં મૂકતા જાઓ ને ઢાંકતા જાઓ. આમ બધી પુરી વણી ને તૈયાર કરી લ્યો.
હવે ગેસ પર એક કડાઈમાં તેલ ગરમ કરવા મૂકો તેલ ગરમ થાય એટલે ગેસ મિડીયમ કરી નાખો ને ત્યારબાદ એમાં એક બે પુરી નાખતા જઈ બને બાજુ ગોલ્ડન તરી લ્યો આમ બધી પુરી ને ગોલ્ડન તરીને તૈયાર કરી લ્યો ને ગરમ ગરમ સર્વ કરો અને જો પ્રવાસ કે ટિફિન માં લઇ જવી હોય તો પુરીને ઠંડી કરી ને ટિફિન માં ભરવી. તો તૈયાર છે મસાલા પૂરી.
masala puri recipe in gujarati notes
અહીં પલાળેલી મેથી ને લોટ બાંધતી વખતે લોટ માં નાખી શકો છો ને જો મેથી ખાવી પસંદ ના હોય તો ના નાખવી.
જો પુરી તરત જ ખાવી હોય તો એમાં લીલા ધાણા અને અને લીલા મરચા સુધારેલા પણ નાખી શકો છો.
શું આપને અમે જણાવેલ રેસીપી પસંદ આવી?રેસીપી પસંદ આવી હોય તો ઉપર 5 ⭐⭐⭐⭐⭐ રેટિંગ આપી નીચે આપનો ફીડબેક/મુજવણ જરૂરથી કોમેન્ટ કરજો