દાળવડા બનાવવા સૌપ્રથમ ચણા દાળ ને સાફ કરી લ્યો ત્યાર બાદ બે ત્રણ પાણી થી ધોઇ ને સાફ કરી લ્યો હવે ત્રણ ચાર ગ્લાસ પાણી નાખી ત્રણ ચાર કલાક પલાળી મૂકો. ચાર કલાક પછી દાળ બરોબર પલળીજાય એટલે ચારણી માં કાઢી ને પંદર વીસ મિનિટ સુંધી નિતારી લ્યો.
દાળ બરોબર નિતારી લીધા બાદ એમાંથી બે ત્રણ ચમચી દાળ અલગ કાઢી લ્યો અને બીજી દાળ ને થોડી થોડી મિક્સર જાર માં નાખી ને દરદરી પીસી લઈ એક તપેલી માં નાખતા જાઓ. આમ બધી દાળ ને પીસી ને તૈયારકરી લ્યો.
હવે પીસેલી દાળ માં એક બાજુ રાખેલ આખી દાળ, ઝીણી સુધારેલી ડુંગળી, ઝીણા સમારેલા લીલાં મરચા,આદુ છીણેલું, ચીલી ફ્લેક્સ, મીઠા લીમડાના પાન સુધારેલ, હિંગ અને સ્વાદ મુજબ મીઠું નાખી ને બરોબર મિક્સ કરી લ્યો.
હવે ગેસ પર એક કડાઈમાં તેલ ગરમ કરવા મૂકો. તેલ ગરમ થાય એટલે તૈયાર કરેલ દાળ ના મિશ્રણ માંથી થોડું થોડુ મિશ્રણ લઈ બનેહથેળી વચ્ચે લુવો બનાવી હથેળી દબાવી ને ચપટા કરી ગરમ તેલ માં નાખતા જાઓ ,
આમ એકસાથે ત્રણ ચાર વડા બનાવી ગરમ તેલ માં નાખતા જાઓ એક મિનિટ ફૂલ તાપ રાખી ત્યાર બાદ ગેસને મીડીયમ કરી બને બાજુ બરોબર ગોલ્ડન તરી લ્યો વડા ગોલ્ડન થાય એટલે તેલ માંથી કાઢીલ્યો અને બીજા વડા બનાવી તરી લ્યો.
આમ બધા વડા તરી ને તૈયાર કરી લ્યોને ગરમ ગરમ ચટણી, સોસ કે ચા સાથે મજા લ્યો દાળવડા.