સોજી માવા ના મીઠા ગુજીયા | Soji mava na mitha gujiya banavani rit| સોજી માવા ના મીઠા ગુજીયા બનાવવાની રીત | Soji mava na mitha gujiya recipe in gujarati
જય શ્રી કૃષ્ણ આજ આપણે સોજી માવા ના મીઠા ગુજીયા બનાવવાની રીત - Soji mava na mitha gujiyabanavani rit શીખીશું , દિવાળીઆવી રહી છે ને બધા મહેમાનો ના સ્વાગત માટે ઘરે મીઠાઈ નમકીન વગેરે બનાવવાની કે બજારમાંથી તૈયાર લઈ આવવા નું વિચારતા હસે અને દિવાળી પર ખાસ ગુજીયા તો બધા ઘર માં બનાવતાકે મંગાવતા હોય છે પણ આજ આપણે ઘરે બધા ને પસંદ આવતા ગુજીયા ઘરે બનાવવાની રીત શીખીશું. તો ચાલો Soji mava na mitha gujiya recipe in gujarati શીખીએ.
Soji mava namitha gujiya banavani rit | સોજીમાવા ના મીઠા ગુજીયા બનાવવાની રીત| Soji mava na mitha gujiya recipe in gujarati
સોજી માવા ના મીઠા ગુજીયા બનાવવા સૌપ્રથમ આપણે લોટ બાંધી ને રાખીશું ત્યાર બાદ પુરાણ અને ચાસણી તૈયાર કરી લઈ ને ગુજીયા માટેની પુરી બનાવી પુરાણ એમાં ભરી પેક કરી ગુજીયા ને ગોલ્ડન તરી લેશું અને ચાસણી માં બોળી ઉપરથી ડ્રાય ફ્રુટ છાંટી તૈયાર કરીશું સોજી માવા માંથી મીઠી ગુજીયા.
લોટ બાંધવાની રીત
એક વાસણમાં મેંદાના લોટ ને ચાળી લ્યો ત્યાર બાદ એમાં મીઠું અને ઘી નાખી ને હાથ થી બરોબર મસળી ને મિક્સ કરી લ્યો હવે થોડું થોડુ પાણી નાખી ને કઠણ લોટ બાંધી લ્યો ને બાંધેલા લોટ ને ઢાંકી ને એક બાજુ મૂકો.
પુરણ બનાવવાની રીત
ગેસ પર એક કડાઈ માં બે ત્રણ ચમચી ઘી ગરમ કરવા મૂકો ઘી ગરમ થાય એટલે એમાં કાજુ બદામ અને પીસ્તા નાખી ધીમા તાપે બે ચાર મિનિટ શેકી લ્યો. ડ્રાય ફ્રુટ ગોલ્ડન થાય એટલે ઝારા થી કાઢી લ્યો ત્યાર બાદ એજ ગરમ ઘી માં નારિયળ નું છીણ નાખી ને ધીમા તાપે ગોલ્ડન શેકી એને પણ કાઢી લ્યો.
હવે એ કડાઈ માં એક ચમચી ઘી નાખી સોજી નાખી ધીમા તાપે ગોલ્ડન શેકી લ્યો ને બીજા વાસણમાંકાઢી લ્યો ત્યાર બાદ છીણેલા મોરા માવા ને કડાઈ માં નાખી એને પણ ધીમા તાપે ગોલ્ડન શેકીલ્યો અને બીજા વાસણમાં કાઢી એમાં શેકેલ સોજી નાખી મિક્સ કરી ઢાંકી ને એક બાજુ મૂકીઠંડા થવા દયો.
શેકેલ ડ્રાય ફ્રુટ ને દર્દરા પીસી લ્યો અને પીસેલા ડ્રાય ફ્રુટ અને કીસમીસ, શેકેલ નારિયળ નું છીણ નાખી બરોબર મિકસ કરી લ્યો અને મિશ્રણ ઠંડુ થાય ત્યાર બાદ એમાં પીસેલી ખાંડ અને એલચી પાઉડર નાખી બરોબર મિક્સ કરી લ્યો. તો તૈયાર છે પુરાણ.
ચાસણી બનાવવાની રીત
ગેસ પર એક વાસણમાં ખાંડ અને પાણી નાખી ને મિક્સ કરી લ્યો ત્યાર બાદ હલાવતા રહી ને ચિકાસ વાળી ચાસણી થાય ત્યાં સુંધી ઉકાળી લ્યો. ચાસણી માં ચિકાસ આવેલ લાગે એટલે ગેસ બંધ કરી એમાં કેવડા એસેન્સ નાખી મિક્સકરી એક બાજુ મૂકો તો તૈયાર છે ચાસણી.
સોજી માવા ના મીઠા ગુજીયા બનાવવાની રીત
બાંધેલા લોટ ને થોડો મસળી લ્યો ને જે સાઇઝ ના ગુજીયા બનાવવા હોય એ સાઇઝ ના લુવા બનાવી લ્યોઅને વેલણ વડે વણી ને મિડીયમ જાડી પુરી બનાવી લ્યો ત્યાર બાદ એમાં એક બાજુ તૈયાર કરેલપુરાણ મૂકી કિનારી પર પાણી લગાવી ને અડધી ફોલ્ડ કરી લ્યો અને કાટા ચમચી થી કિનારી દબાવીલ્યો અથવા ફોલ્ડ કરી લ્યો આમ બધા જ ગુજીયા બનાવી ને તૈયાર કરી લ્યો
હવે ગેસ પર એક કડાઈમાં તેલ ગરમ કરવા મૂકો તેલ નવશેકું ગરમ થાય એટલે એમાં તૈયાર કરેલ ગુજીયા નાખી ગોલ્ડન તરી લ્યો. આમ બધી જ ગુજીયા ને તરી ને તૈયાર કરી લ્યો.
તમે આમજ પણ ગુજીયા ખાઈ શકો છો અને તરેલી ગુજીયા ને નવશેકી ગરમ ચાસણી માં નાખી એક મિનિટ એમાં રહેવા દઈ બહાર કાઢી લ્યો આમ બધી ગુજીયા તૈયાર કરી લ્યો અને ઠંડી થવા દયો ઠંડી થાય એટલે ડબ્બા માં ભરી લ્યો. તો તૈયાર છે સોજી માવા માંથી મીઠી ગુજીયા.
Soji mava namitha gujiya recipe in gujarati notes
અહીં તમે તમારી પસંદ ની સાઇઝ અને આકાર ની ગુજીયા હાથે થી કે મોલ્ડ થી તૈયાર કરી શકો છો.
સ્ટફિંગમાં તમારી પસંદ ના ડ્રાય ફ્રુટ નાખી ને પણ બનાવી શકો છો.
શું આપને અમે જણાવેલ રેસીપી પસંદ આવી?રેસીપી પસંદ આવી હોય તો ઉપર 5 ⭐⭐⭐⭐⭐ રેટિંગ આપી નીચે આપનો ફીડબેક/મુજવણ જરૂરથી કોમેન્ટ કરજો