adadiya | adadiya pak | અડદિયા | adadiya recipe | અડદિયા પાક | adadiya pak recipe | adadiya sweet | અડદિયા બનાવવાની રેસીપી
જય શ્રી કૃષ્ણ આજ આપણે અડદીયા બનાવવાની રીત - adadiya pak recipe in gujarati શીખીશું. adadiya gujarati sweet - આદડિયા એક ગુજરાતી મીઠાઈ છે જે શિયાળા માં બનતી હોય છે એમાં શિયાળા ને અનુરૂપ ને ફાયદાકારક વસાણાં નાખી તૈયાર કરવા માં આવે છે જેનેશિયાળા દરમિયાન ખાવા થી બાર મહિના સુંધી તંદુરસ્તી જળવાઈ રહે છે તો ચાલો adadiya banavani recipe - adadiya pak banavani rit શીખીએ
Equipment
- 1 કડાઈ
Ingredients
adadiya pak ingredients
- 150 ગ્રામ અડદનો લોટ
- 150 ગ્રામ ચણાદાળ નો લોટ
- 100 ગ્રામ અડદિયા મસાલો
- 100 ગ્રામ કાજુ , બદામ અને પીસ્તા ની કતરણ
- 100 ગ્રામ ખાવાનો ગુંદ
- 25 ગ્રામ ખસખસ
- 250 ગ્રામ મોરો માવો
- 500 ગ્રામ ખાંડ
- 500 ગ્રામ ઘી
- 3 ચમચી દૂધ
- પાણી જરૂર મુજબ
અડદિયાનો મસાલો બનાવવા માટેની સામગ્રી | adadiya no masalo ingredients
- 25 ગ્રામ સૂંઠ પાઉડર
- 25 ગ્રામ પીપરમુલ પાઉડર
- 10 ગ્રામ નાગકેસર
- 10 ગ્રામ વરિયાળી
- 20 ગ્રામ સફેદ મુસલી
- 20 ગ્રામ કાળી મુસલી
- 5 ગ્રામ એલચી
- 5 ગ્રામ લવિંગ
- 5 ગ્રામ મરી
- 1 મોટી એલચી
- ½ જાયફળ
- 1 તજ નો ટુકડો નાનો
- 3-4 જાવેત્રી ફૂલ
Instructions
adadiya pak recipe in gujarati | adadiya gujarati sweet | અડદીયા બનાવવાની રીત | adadiya banavani recipe | adadiya pak banavani rit
- અડદિયા બનાવવા સૌપ્રથમ એક વાસણમાં અડદ નો લોટ અને ચણાદાળ નો લોટ ચાળી ને લ્યો એમાં ત્રણ ચમચી દૂધ અને ત્રણ ચમચી ઘી નાખી હાથ થી બરોબર મિક્સ કરી લ્યો અને પાંચ દસ મિનિટ એક બાજુ મૂકો ત્યાર બાદ ચારણી થી ચાળી લ્યો
- હવે ગેસ પર એક કડાઈમાં પા કપ ઘી ગરમ કરવા મૂકો ઘી થોડું ગરમ થાય એટલે એમાં ગુંદ થોડો થોડો નાખી ને ગોલ્ડન તરી લ્યો આમ બધો ગુંદ તરી લ્યો હવે એજ કડાઈ માં બીજો પા કપ ઘી નાખો સાથે છીણેલો માવો નાખી ધીમા તાપે માવા નો રંગ થોડો ગોલ્ડન થાય ત્યાં સુધી શેકો ને માવો શેકાઈ જાય એટલે ગેસ બંધ કરી એક બાજુ મૂકો
- હવે બીજી કડાઈ માં બાકી નું ઘી નાખો ને એમાં ચાળી રાખેલ લોટ નાખી લોટ ને પંદર વીસ મિનિટ સુંધી શેકો લોટ બરોબર શેકાઈ ને ગોલ્ડન બ્રાઉન થાય ત્યાં સુધી શેકી લ્યો ત્યાં બાદ ગેસ સાવ ધીમો કરી નાખો અને એમાં શેકી રાખેલ માવો, તરેળ ગુંદ, થોડા એક બાજુ મૂકી બીજા ડ્રાય ફ્રુટ અને અડદિયા મસાલો નાખી બરોબર મિક્સ કરી લ્યો ત્યાર બાદ ગેસ બંધ કરી નાખો
અડદિયા ની ચાસણી બનાવવાની રીત
- ચાસણી બનાવવા એક તપેલી માં ખાંડ નાખો અને ખાંડ ડૂબે એટલું પાણી નાખી મિક્સ કરી લ્યો ને ગેસ ચાલુ કરી હલાવતા રહી એક તાર ની ચાસણી તૈયાર કરી લ્યો (એક તાર ની ચાસણી થઈ ચેક કરવા તમે બે આંગળી વચ્ચે ચાસણી લઈ આંગળી હળવેક થી ફેલાવો જા નાનો તાર બને તો ચાસણી થઈ ગઈ અથવા પાણી ના વાટકા માં ચાસણી માંથી એક ટીપું નાખો ને જો એનો આકાર એમજ રહે તો ચાસણી તૈયાર થઈ ગઈ છે આમ ચેક કરી શકો છો)
- ચાસણી તૈયાર થઈ જાય એટલે ચાસણી ને શેકી રાખેલ સામગ્રી માં નાખી ને બરોબર મિક્સ કરો મિશ્રણ બરોબર મિક્સ થઈ જાય એટલે ગ્રીસ કરેલ થાળી માં તૈયાર મિશ્રણ નાખી એક સરખું ફેલાવી લ્યો ને ઉપર એક બાજુ મુકેલ ડ્રાય ફ્રુટ ની કતરણ છાંટી દયો ને દસ પંદર મિનિટ પછી ચાકુ થી કાપા પાડી લ્યો ને ત્રણ ચાર કલાક ઠંડા થવા દયો ત્યાર બાદ ફરી ચાકુ થી કાપા પડો ને પીસ તૈયાર કરી લ્યો તો તૈયાર છે અડદિયા
અડદિયા નો મસાલો બનાવવાની રીત | adadiya no masalo banavani rit
- ગેસ પર એક કડાઈ માં સૂંઠ પાઉડર,પીપરમુલ પાઉડર, નાગકેસર, વરિયાળી, સફેદ મુસલી, કાળી મુસલી, એલચી , લવિંગ, મરી, મોટી એલચી, જાયફળ , તજ નો ટુકડો નાનો અને જાવેત્રી ફૂલ ને ધીમા તાપે ચાર પાંચ મિનિટ શેકી લ્યો ત્યાર બાદ ઠંડા કરી પીસી લ્યો તો તૈયાર છે અડદિયા મસાલો
adadiya pak recipe in gujarati notes
- અહી તમે એકલા અડદ નો લોટ પણ વાપરી શકો છો
- ઘરે અડદિયા મસાલો બનાવો હોય તો ને અલગ અલગ શેકી ને પીસી ને તૈયાર કરી શકો છો
- ખાંડની ચાસણી એક તાર ની બનાવી જો ઓછી બનાવશો તો અડદિયા નો આકાર નહિ રહે ને વધારે બનાવશો તો અડદિયા કડક થઇ જસે
શું આપને અમે જણાવેલ રેસીપી પસંદ આવી?રેસીપી પસંદ આવી હોય તો ઉપર 5 ⭐⭐⭐⭐⭐ રેટિંગ આપી નીચે આપનો ફીડબેક/મુજવણ જરૂરથી કોમેન્ટ કરજો